ആരാണ് ഈ സത്യന്‍ അന്തിക്കാട്

 

"പുതിയ തീരങ്ങളെക്കുറിച്ച്" സജീവന്‍ അന്തിക്കാട് എഴുതിയ കുറിപ്പ് വായിച്ചതുകൊണ്ടാവണം പടം തുടങ്ങിയപ്പോ മുതല്‍ ഞാന്‍ തിരഞ്ഞത് മോളി അമ്മായിയെ ആയിരുന്നു.. ചിത്രത്തിന്റെ ഷൂട്ടിംഗ് കഴിഞ്ഞു പോകാന്‍ നേരം "ആരാണ് ഈ സത്യന്‍ അന്തിക്കാട് " എന്ന് അദ്ധേഹത്

തിന്റെ തന്നെ മുഖത്ത് നോക്കി ചോദിച്ച ഏക വ്യക്തി..! മറന്നു പോകാതിരിക്കാന്‍ സംവിധായകന്റെ പേര് തുണ്ടുകടലാസില്‍ കുറിച്ച് കൊണ്ട് പോയ ആദ്യത്തെ അഭിനേത്രി..! ഒട്ടും നിരാശനാക്കിയില്ല. പ്രതീക്ഷിച്ചതിലും അപ്പുറമായിരുന്നു അവരുടെ പ്രകടനം. പണ്ട് ബ്രിഡ്ജ് (കേരള കഫെ) കണ്ടപ്പഴേ എങ്ങനെയോ ഇവരെ വല്ലാതെ അങ്ങ് ഇഷ്ടപ്പെട്ടിരുന്നു.. ശരിക്കും എനിക്ക് അവരെ മേരിച്ചേടത്തി എന്ന് വിളിക്കാനാണ് തോന്നുന്നത്.. എവിടെയൊക്കെയോ കണ്ടു മറന്ന ഒരു മേരി ചേടത്തി..!! ചിത്രത്തിലെ നായികയാവട്ടെ, മിനിസ്ക്രീനിലെ വേളാങ്കണ്ണി മാതാവിന്റെ ചൈതന്യം സ്ഫുരിക്കുന്ന മുഖത്തില്‍ നിന്നും വളരെ മാറിയിരിക്കുന്നു. ഇടക്ക് എപ്പോഴോ എവിടെയൊക്കെയോ എനിക്കവരെ സുമലതയെ പോലൊക്കെ തോന്നി. അവസാനം, ആ തിയേറ്ററില്‍ ഇരുന്നവരോടൊപ്പം നല്ല ഒരു നാടന്‍ സദ്യ കഴിച്ച സുഖവുമായി ഞാനും ഇറങ്ങി. ശരിക്കും എനിക്ക് പടം വല്ലാതെ ഇഷ്ടപ്പെട്ടു.